الجمعة اللي فاتت مشيت أنا و صديق عزيز لقهوة من المقاهي الفاخرة في شارع الحبيب بورقيبة في تونس العاصمة. طلبنا قهوة "ألونجي" و كاس عصير. جاء النادل و طلب 3 دينارات في الوقت اللي السوم هو 2400 مليم. طلبنا تسكرة لكن سي النادل ما حبش. أحنا في بالنا اللي موش هاكا السوم. قولنالو نحبو تسكرة فيها السوم متاع اللي استهلكناه و شدينا الصحيح ياخي السيد حب يفكلي الهاتف الجوال متاعي اللي و قتها كان محطوط فوق الطاولة. القهوة هاذي كيما قلتلكم قهوة فاخرة و نورمالمون يعاملو فيها الناس باحترام مش يسرقولهم فلوسهم و كي ما ينجموش يعملو فيها باندية و يحاولو يفكولنا بورطابلواتنا
3 comments:
إسم القهوة و الوقت و وصف النّادل
يلزم العبادالّي يعملو تجاوزات، حتّى صغيرة، يعرفو الّي فمّا ناس ينجّمو يفضحوهم، باش يتربّاو
ما نحبّكش تعمل كيف الصحافة متاع "لاعب معروف بفريق عريق بالعاصمة" و الاّ "مطعم مرموق في احدى ضواحي سوسة"؛
:-)
الإسم و اللقب و الأصل و الفصل، باش المرة الجايّة الّي يمشي لغادي يعرف كيفاش يتصرّف
اللي صار مؤسف جدا و يصير كل يوم...ـ
انا مع ولد بيرسا ... التفاصيل هذيك هي اللي تخلق فرق بين مدونة و جريدة صفراء..ـ
@ Weld birsa:عندك الحق أما أنا ما حبيتش نسمي خاطر حبيت نحكي عالضاهرة أكثر من أي خاجة أخرى, القهوة اسمها قرنفلة و هي بعد قهوة باريس عا ليمين و أنت ماسي لل ت ج ام و الوقت 4 متاع العشية
@ لاعب النرد: شكرا ع الزيارة و هاني تو سميت
@ anonym:بدون تعليق احتراما لنفسي و للاخوة الكرام و الأخوات الكريمات
Post a Comment